Җәмгыять 21 декабрь 2004 17:55

Патриотик тәрбия буенча дәреслек

Скопировать ссылку

(Казан, 21 декабрь, «Татар–информ»). Республиканың «Хәтер» нәшриятында «Патриотны тәрбияләү» дәреслеге дөнья күрде.

Китапның авторлары Әнвәр Хуҗиәхмәтов һәм Борис Павлов фикеренчә, педагогик игътибарның төп объектларыннан берсе «укучы яшьләрдә һәр шәхеснең билгеле бер әхлакый көчен билгеләүче патриотизм сыйфатларын тәрбияләү» булырга тиеш. Патриотизм тәрбияләү темасы, билгеле булганча, соңгы елларда аеруча актуаль була башлады, әлеге проблеманы хәл итү өчен «РФ гражданнарын патриотик тәрбияләү буенча 2001-2005 елларга исәпләнгән» программа эшләнде. Казан галимнәре дәреслеге РФ Мәгариф һәм фән министрлыгы тарафыннан гуманитар уку йортлары өчен кулланма буларак тәкъдим ителгән. Анда фәнни нигезләмәләрдән тыш, сорашу һәм тикшеренүләр нәтиҗәләренә нигезләнгән хәзерге вәзгыять анализы, булачак педагогларга укучыларны патриотик тәрбияләүдә ярдәм итә алырлык күп санлы кушымталар китерелгән. Алар арасында, мәсәлән, югарыда аталган программа, студентлар һәм укучылар өчен анкеталар, педагогик биремнәр һәм мәсьәләләр, хрестоматия материаллары, класс сәгатьләре программалары бар.

Дәреслек 10 мең нөсхә тираж белән чыгарылган.

Сәхифәләр

Патриотик тәрбия буенча дәреслек