Арча педагогика көллиятендә хәрби һәм хезмәт батырлыгы турында парламент дәресе узды
Г.Тукай исемендәге Арча педагогика көллиятендә «Хезмәт һәм хәрби батырлык белән Ватанны данлыйбыз!» дип аталган тематик парламент дәресе узды. Аны Татарстан Республикасында игълан ителгән Хәрби һәм хезмәт батырлыгы елына багышладылар, дип хәбәр итә республика Мәгариф һәм фән министрлыгы матбугат хезмәте.
Очрашуның кунаклары һәм алып баручылары арасында район хакимияте һәм җәмәгатьчелек вәкилләре: Арча районы башкарма комитеты җитәкчесе ярдәмчесе, полковник А.Р.Баһавиев, район иҗтимагый советы рәисе Н.Р.Мифтахетдинова, әлеге көллиятне тәмамлаган, күп еллар дәвамында Апаз авыл җирлеген җитәкләгән Р.Ш.Садыйков, шулай ук махсус хәрби операция ветераны һәм шушы уку йортын тәмамлаган Р.Р.Гыйниятуллин бар иде.
Студентлар зур һөнәри һәм тормыш тәҗрибәсенә ия кешеләр белән турыдан-туры аралашты. Дәрес гражданлык җаваплылыгы, җәмгыятькә хезмәт итү һәм шәхси сайлау роленә багышланды.
Патриотик тәрбия «Яшьләр һәм балалар» илкүләм проекты максатларына туры килә.