Париж Сабан туенда татар артистларының чыгыш ясавы көтелә
Франция башкаласында Сабан туе быел 16 июньгә билгеләнгән.
Скопировать ссылку
(Казан, 13 июнь,"Татар-информ"). Париж Сабан туенда татар артистлары Резеда Төхвәтуллина һәм Рамил Айметдинов чыгыш ясавы көтелә. Бу хакта бәйрәмне оештыручыларның берсе Ришат Сабитов хәбәр итә.
Франция башкаласында Сабан туе быел 16 июньгә билгеләнгән. Аны Франциядә яшәүче актив татар яшьләре үз көчләре белән оештыра.
Сабан туенда, гадәттәгечә, ярышлар, милли уеннар, чәй табыны әзерләнәчәк, диелгән әлеге хәбәрдә.