Пакистан һәм Согуд Гарәбстаны каллиграфлары Ислам мәдәнияте музеена үз эшләрен бүләк итә
Тантаналы чара "Көнчыгыш каллиграфиясе – Казанның йөрәгендә" дигән күргәзмәне ябу уңаеннан үткәрелә.
Скопировать ссылку
(Казан, 27 сентябрь, «Татар-информ»). Каллиграфия осталары - Пакистаннан Абдул Рәшид Батт, Җамал әл-Рабеа һәм Согуд Гарәбстаныннан Мөхәммәд әл-Кебаси Ислам мәдәнияте музеена үз эшләрен бүләк итәчәк. Бу хакта ТР Мәдәният министрлыгының матбугат хезмәте хәбәр итә.
Тантаналы чара 28 сентябрьдә 14.00 сәгатьтә башлана. Ул "Көнчыгыш каллиграфиясе – Казанның йөрәгендә" дигән күргәзмәне ябу уңаеннан үткәрелә.
- Сентябрь башында Ислам мәдәнияте музеенда урын алган каллиграфия эшләре 20дән артык илдә (Бөекбритания, АКШ, Сингапур, Иран, Кытай һ.б.) оештырылган фестиваль һәм күргәзмәләрдә сәнгатьнең әлеге төрен яратучылар арасында зур кызыксыну уятты.
