Озак еллар халык иҗатын оештыру өлкәсендә эшләгән Гали Габдрахманов вафат

Озак еллар халык иҗатын оештыру өлкәсендә эшләгән Гали Габдрахманов вафат. Мәгълүматны ТР Мәдәни ресурслар үзәге җитәкчелеге раслады.

«Гали Әхәтович бүген вафат булган. Ул 68нче яше белән бара иде», диде ТР Мәдәни ресурслар үзәге директоры урынбасары Гөлназ Латыйпова.

Гали Әхәт улы Габдрахманов озак еллар ТР Мәдәният министрлыгы каршындагы халык иҗаты һәм мәдәни-агарту эшләре республика фәнни-методик үзәген җитәкләде. Лаеклы ялга чыкканчы Традицион мәдәниятне үстерү республика үзәге директоры урынбасары булып эшләде.