Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Орск мәчете имамы: Беренче катның яртысыннан артыгын су басты
Россия мөселманнары Диния нәзарәте рәисе, мөфти шәеф Равил Гайнетдин боерыгы буенча, Орскидагы су басу зонасына гуманитар миссия җибәргән. Орск шәһәре Дәрбсәли Беркембаев исемендәге мәчете имам-хатыйбы Кадыйрҗан Тнаштыгулов тревога сигналының 5 апрельдә таравих-намаз вакытында яңгыравы турында сөйләгән. Бу хакта Россия Мөфтиләр шурасы сайтында хәбәр итәләр.
Аның сүзләренчә, 6 апрельдән 7 апрельгә каршы төндә су мәчеткә кадәр күтәрелә. 8 апрельдә коткаручылар сакчыны эвакуацияли – беренче катның яртысыннан артыгын су баса. Шәһәр дамбасы Кадер кичендә җимерелә. 9 апрельдә җирле мөселманнар су басудан соң беренче тапкыр бинаның икенче катында җомга намазын укыган. Мәчет, су басу зонасындагы башка биналар кебек үк, әлегәчә утсыз, диелә хәбәрдә.
Ярдәм алып килгән төркемне мөфти шәеф Равил Гайнетдиннең Идел буе федераль округындагы тулы вәкаләтле вәкиле Мөнир Бәюсов һәм «Зәкят» хәйрия фонды җитәкчесе Сөләймән Аджиев җитәкләгән.
Делегацияне Орск Җәмигъ мәчете имамы Кадыйрҗан Тнаштыгулов һәм Орск мөселманнары җирле дини оешмасы рәисе Кунакбай Алкулов каршы алган, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз