Хәвеф-хәтәр 12 апрель 2024 13:04

Оренбургта сирена яңгырый, халыкны массакүләм рәвештә эвакуациялиләр

Скопировать ссылку

Оренбургта сирена яңгырый, язгы ташуга бәйле рәвештә халыкны массакүләм рәвештә эвакуациялиләр. Шәһәр мэры Сергей Салмин шулай дип белдерде.

«Оренбургта язгы ташуга бәйле вазгыять бик тә куркыныч. Соңгы 10 сәгатьтә Урал елгасында суның биеклеге 40 сантиметрга күтәрелде һәм хәзерге вакытта ул 1143 сантиметр тәшкил итә. Бу – куркыныч күрсәткеч», - дип искәртте ул.

Шәһәр башлыгы халыкны үзләре белән документлар, дарулар, беренче чиратта кирәкле әйберләр алырга һәм тиз арада өйләреннән китәргә чакырды.

«Хәл бик катлаулы, вакыт әрәм итмәгез!», – дип искәртте Салмин.

Сәхифәләр

Оренбургта сирена яңгырый, халыкны массакүләм рәвештә эвакуациялиләр