Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Оренбургта Муса Җәлил һәм аның көрәштәшләрен искә алачаклар
25 август — бөек шагыйрь Муса Җәлил һәм аның көрәштәшләрен искә алу көне.
(Казан, 10 август, “Татар-информ”, Лилия Локманова). 25 август көнне Оренбургта - каһарман шагыйрь, Советлар Союзы Герое, язучылардан беренче буларак Ленин премиясе лауреаты булган (үлеменнән соң) Муса Җәлилне искә алу чарасы булачак. Чара 11.00 сәгатьтә шагыйрь һәйкәле янында узачак. “Өзелгән җыр — очыштагы минем гомерем” патриотик акциясен Оренбург шәһәренең “Туган тел” милли-мәдәни автономиясе оештыра.
Билгеле булганча, 25 август — бөек шагыйрь Муса Җәлил һәм аның көрәштәшләрен искә алу көне. 1944 елның 25 августында көн үзәгендә Германиянең Плетцензее төрмәсендә Империя суды карары белән аларның башы гильотинада чабыла. Һәлак булучы батырлар арасында Гайнан Кормаш, Фуат Сәйфелмөлеков, Абдулла Алиш, Фуат Булатов, Гариф Шабай, Әхмәт Симай, Абдулла Баттал, Зиннәт Хәсәнов, Әхәт Атнашев, Сәлим Бохаров (чын исеме - Галләнур Бохараев) була.
Кызыклы яңалыкларны күзәтеп бару өчен Телеграм-каналга язылыгыз