Оренбургта Халыкара туган тел көне уңаеннан шигырь бәйрәме узды
Халыкара туган тел көнен “Мирас” клубы әгъзалары шигырь бәйрәме рәвешендә үткәрде.
(Казан, 21 февраль, "Татар-информ"). Оренбургта Халыкара туган тел көне уңаеннан шигырь бәйрәме узды. Бу хакта Бөтендөнья татар конгрессының матбугат хезмәте хәбәр итә.
Оренбурның Хөсәен Ямашев китапханәсендә "Мирас" татар телен өйрәнү буенча курсларны 9нчы ел рәттән китапханәче Вәсилә Шәрәфетдинова оештыра. Курска йөрүчеләр арасында төрле яшьтәгеләр бар. Аларның барысын да “Мирас” клубы берләштерә.
Клубның максаты - татар халкының гореф-гадәтләре белән танышу, татар телен өйрәнү. Курсларның программасы да шуңа карап төзелә.
Бу төркемгә телне бөтенләй белмәүчеләр белән бергә, туган телендә камил сөйләшергә омтылучылар да йөри.
Халыкара туган тел көнен “Мирас” клубы әгъзалары шигырь бәйрәме рәвешендә үткәрде.