Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Оренбургта Хөсәен Ямашев исемендәге китапханәнең 115 еллыгын билгеләп үтәчәкләр
Шул уңайдан ачылган күргәзмәдә көнкүреш әйберләре, фотолар, архив документлары, татар телендә дөнья күргән сирәк китаплар белән танышырга мөмкин.
(Казан, 6 декабрь, «Татар-информ»). 10 декабрьдә Оренбург шәһәрендәге Тарих музеенда Хөсәен Ямашев исемендәге китапханәнең 115 еллыгына багышланган «Җанлы элемтәне саклап...» дигән күргәзмә ачыла. Бу хакта Бөтендөнья татар конгрессының матбугат хезмәте хәбәр итә.
Экспозициянең максаты – шәһәрдә яшәүчеләр һәм Оренбург кунакларына әлеге төбәктә милли китапханәнең барлыкка килү һәм үсеш тарихы, татар халкы вәкилләренең күпмилләтле шәһәр һәм төбәкнең күпкырлы, кабатланмас мәдәниятенә керткән зур өлеше турында җентекләп сөйләү.
Күргәзмәдә Оренбург җирендә татар мәдәниятенең үсеше турында сөйли торган көнкүреш әйберләре, фотолар, архив документлары, татар телендә дөнья күргән сирәк китаплар белән танышырга мөмкин.
Кызыклы яңалыкларны күзәтеп бару өчен Телеграм-каналга язылыгыз