Татар дөньясы 23 гыйнвар 2017 08:31

Оренбургның "Ак калфак" берләшмәсе әниләр өчен балаларга рухи тәрбия бирү мәктәбе ача

Татар хатын-кызлары берләшмәсе быел Оренбургта бәйге-фестивальләр, милли кул эшләре буенча мастер класслар үткәрергә планлаштыра.

Скопировать ссылку

(Казан, 23 гыйнвар, “Татар-информ”). Оренбург өлкәсенең “Ак калфак” татар хатын-кызлары берләшмәсе 2017 елга төп эш планын билгеләде, дип хәбәр итәләр Оренбург өлкәсе Татар милли-мәдәни мохтариятеннән. Мохтариятнең хатын-кызлар советы җитәкчесе Альбина Әпсәләмова белдергәнчә, быел Оренбургта “Татар кызы” бәйгесен, “Туган авылым” бәйге-фестивален үткәрү, татар милли ризыкларын әзерләү һәм татар калфакларын тегү буенча мастер-класслар оештыру ниятләнелә.

Шулай ук “Ак калфак” берләшмәсе быел татарларның бәби туе традицияләрен торгызу максатында, әниләр өчен балаларга милли, рухи тәрбия бирү серләренә өйрәтүче мәктәп ачарга да ниятли.

#Оренбург #Ак калфак #Альбина Әпсәләмова

Сәхифәләр

Оренбургның "Ак калфак" берләшмәсе әниләр өчен балаларга рухи тәрбия бирү мәктәбе ача