Икътисад 1 февраль 2023 14:09

Оренбург өлкәсенең Ташлы районында яңа нефть ятмасы табылган

Скопировать ссылку

«Газпром нефть» компаниясе Оренбург өлкәсендә яңа нефть ятмасы ачкан. Аның углеводородлар запасы 53 миллион тонна тәшкил итә. Бу хакта РИА Новости агентлыгы яза.

«Газпром нефть» компаниясе Оренбург өлкәсенең Ташлы районында яңа нефть ятмасы ачты. Чыганакның геологик запаслары 53 миллион тонна нефтькә тиң. Солнечный участогындагы нефть гадәти булмаганча ачык кызгылт сары төстә, үзлеге ягыннан ул җиңел сортларга карый һәм кушылмалары юк», - дип белдерделәр компаниядә.

Компания әлеге участокта эзләү-бәяләү скважинасын бораулаган вакытта нефть микъдары тәүлегенә 490 кубометрдан артып киткән. Геологлар бәяләвенчә, скважина тулысынча әзер булганнан соң ул тагын да артырга мөмкин. Яңа актив киләчәктә «Газпром нефть» компаниясенең Идел-Урал төбәгендә перспективалы нефть чыгару үзәгенең бер өлеше булачак.

Сәхифәләр

Оренбург өлкәсенең Ташлы районында яңа нефть ятмасы табылган