Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Оренбург өлкәсендә су басу зонасыннан 10,7 меңнән күбрәк кеше эвакуацияләнгән
Оренбург өлкәсендә су басу зонасыннан 10,7 меңнән күбрәк кеше, шул исәптән 2 мең бала эвакуацияләнгән. Бу хакта Оренбург өлкәсе губернаторы һәм хөкүмәте матбугат хезмәте хәбәр итә.
«Су баскан йортлардан һәм йорт яны участокларыннан 10 739 кеше эвакуацияләнгән, шул исәптән 2 094 бала. 43 вакытлыча урнаштыру пунктында 1 345 кеше урнаштырылган, шуларның 236сы балалар. Калганнары туганнары янында урнашкан. Шулай ук су басу зонасыннан куркынычсыз районнарга 615 авыл хуҗалыгы хайваны күчерелгән», – дип белдерде матбугат хезмәтендә.
Иң катлаулы су басу шартлары Орск, Оренбург, Бузулук, Илек районнарында барлыкка килә.
Гадәттән тыш хәлне бетерүдә 4,5 меңнән артык кеше, 978 берәмлек техника һәм 256 йөзү чарасы җәлеп ителгән, дип билгеләп үтте хакимият.
Кызыклы яңалыкларны күзәтеп бару өчен Телеграм-каналга язылыгыз