Фән һәм мәгариф 7 декабрь 2016 10:15

Оренбург өлкәсендә Татар мәгарифе көннәре уза

Татарстан делегациясе 8 декабрьдә Герой-шагыйрь Муса Җәлилнең туган ягы Шарлык районы Мостафа авылы мәктәбенә барачак.

Скопировать ссылку

(Казан, 7 декабрь, "Татар-информ"). 6-8 декабрьдә Оренбург өлкәсендә Татар мәгарифе көннәре уза. Бу хакта өлкә Хөкүмәтенең Мәгариф министрлыгы матбугат хезмәте хәбәр итә.

Татар мәгарифе көннәре уңаеннан оештырылган чараларда өлкәнең 15 районыннан этномәдәни компонентлы белем бирүче мәктәпләреннән 60 тан артык укытучы катнаша.

Татарстан делегациясен республиканың мәгариф һәм фән министры урынбасары Илдар Мөхәмәтов җитәкли. Делегация составында Бөтендөнья татар конгрессы Башкарма комитеты вәкилләре дә бар.

Татар мәгарифе көннәре барышында өлкәнең һәм Татарстанның мәгариф учреждениеләре арасында хезмәттәшлек итү турында килешүләр төзү, татар телен һәм мәдәниятен саклау һәм үстерүгә өлеш керткән укытучыларга республика министрлыгының бүләкләрен тапшыру көтелә.

Шулай ук Сакмар районы Татар Каргалысы авылында һәм Үрге Чебенле авылы мәктәпләрендә түгәрәк өстәлләр һәм мастер-класслар уздыру нияләнелә. 8 декабрьдә кунакларны Герой-шагыйрь Муса Җәлилнең туган ягы Шарлык районы Мостафа авылы мәктәбендә районда милли мәгариф өлкәсендәге эшчәнлек белән таныштырачаклар.

#Оренбург #Муса Җәлил

Сәхифәләр

Оренбург өлкәсендә Татар мәгарифе көннәре уза