Оренбург өлкәсе "Татар кызы-2018"не сайлый
Конкурста җиңүче октябрьдә Казанда узачак Халыкара бәйгедә үзе яшәгән төбәк исеменнән чыгыш ясаячак.
Скопировать ссылку
(Казан, 4 июль, "Татар-информ"). Бүген, ягъни 4 июль көнне Оренбург өлкәсендә "Татар кызы-2018"не сайлаячаклар. Бу хакта Оренбург татарларының "Туган тел" милли-мәдәни берләшмәсе хәбәр итә.
Бәйгедә катнашу өчен Оренбург өлкәсендә яшәү, татар телен, әдәбиятын һәм мәдәниятен яхшы белү шарт.
"Татар кызы-2018" конкурсында җиңүче октябрьдә Казанда узачак Халыкара бәйгедә үзе яшәгән төбәк исеменнән чыгыш ясаячак.
- Узган ел "Татар кызы" Халыкара бәйгесе Уфада үтте. Анда Татарстан кызы Гөлназ Гатина төп призга лаек булды.
