Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Омскида XXVI Федераль Сабантуй башлана
Омскида үтүче XXVI Федераль Сабантуйга Россиянең 31 төбәгеннән һәм Казахстаннан делегацияләр килде. Иң зур делегация Татарстан Республикасыннан булды. Бәйрәм ипподромда башланачак. Бу хакта Бөтендөнья татар конгрессы матбугат хезмәте хәбәр итә.
Кунакларны ат чабышы һәм ярышлар көтә. Жокейлар иярле атта йөрүдә һәм ике көпчәкле арбалар белән идарә итүдә үз осталыкларын күрсәтәчәкләр.
Кич концерт залы бинасы янында Татарстан Республикасы һәм Омск өлкәсе сәнгать осталарының концерты булачак. Иртәгә бәйрәм дәвам итәчәк. Сабантуй театральләштерелгән тамаша белән ачылачак.
Паркта уеннар, мастер-класслар һәм спорт ярышлары өчен зоналар ясалачак. Кунаклар пылау, кош теле, чәк-чәк, баурсаклар һәм дөньядагы иң зур самавардан чәй белән сыйланырлар. Бәйрәм программасы көне буе дәвам итәчәк.
Бәйрәм зур колач белән узачак. Губернатор Виталий Хоценко, Татарстан Республикасы Рәисе Рөстәм Миңнеханов һәм башка рәсми затларның катнашуы көтелә, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз