Омскида татар халкының милли ризыкларын пешерергә өйрәттеләр
Скопировать ссылку
Омскиның «Старина Сибирская» дәүләт тарихи-мәдәни музей-тыюлыгының «Татар утары»нда Альбина Фәтхетдинова татар халкының милли ризыкларын пешерү буенча мастер-класс үткәрде. Аны Омскига Бөтендөнья татар конгрессы юллады. Бу турыда Конгресс хәбәр итте.
«Татар халкы үз милли ашлары белән бик бай, һәм бөтен дөньяга үз ризыклары белән мәшһүр. Биредә «Ак калфак» оешмасыннан 11 ханым мич коймагы, борай бәлеше, гөбәдия, чәк-чәк һәм өлеш пешерергә өйрәнде. Шулай ук мастер-класслар иртәгә Омск һәм Томск шәһәрләрендә дәвам итәчәк», диелә хәбәрдә.