Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Омскида Муса Җәлил һәйкәлен 18 июльдә ачачаклар
Омскида Советлар Союзы Герое, татар шагыйре Муса Җәлилгә һәйкәл куюга әзерлек эшләре төгәлләнә. Скульптура композициясен ачу тантанасы 18 июльгә планлаштырылган һәм шәһәрдә Федераль Сабантуйга туры китерелә.
Һәйкәлнең авторы – Татарстан Республикасының атказанган сәнгать эшлеклесе Винера Абдуллина. Архитектура ягыннан планлаштыру һәм монтаж өчен Россия Архитекторлар берлеге әгъзасы Сакен Хөсәенов җавап бирә.
Татарстан премьер-министры урынбасары, Бөтендөнья татар конгрессы Милли советы рәисе Васил Шәйхразиев Омск өлкәсенә эш сәфәре барышында монумент урнаштыру өчен билгеләнгән мәйданчыкны карады. Ул шулай ук җирле оештыру комитеты белән янәшәдәге скверны төзекләндерү һәм ачылу тантанасын оештыру мәсьәләләре буенча фикер алышты.
Һәйкәлне монтажлау һәм территорияне төзекләндерү буенча барлык финанс йөкләмәләрен Омск өлкәсенең төбәк татар милли-мәдәни автономиясе үз өстенә алган.
Кызыклы яңалыкларны күзәтеп бару өчен Телеграм-каналга язылыгыз