Омскида Бохара татарлары авылы турында документаль фильм төшерелә
2020 елның яз-җәй айларында авыл беренче туристларны кабул итәчәк.
(Казан, 27 сентябрь, «Татар-информ»). Бохара татарлары авылы турында документаль фильм премьерасы 2020 елның көзенә планлаштырылган. Ул әдәби чыганаклар, елъязмалар, өлкәннәр белән әңгәмәләр аша Большереченск районының Үләнкүл авылы тарихын сөйләячәк. Бу турыда Бөтендөнья татар конгрессы матбугат хезмәте хәбәр итә.
Проект Омск өлкәсенең «Мәдәният» Төбәк татар милли-мәдәни автономиясе тарафыннан гамәлгә ашырыла.
Фильм «Омск өлкәсе территориясендә «Мирас» этнографик һәм авыл туризмы урыннарын булдыру буенча Президент грантлары фонды җиңүчесе проектын гамәлгә ашыру кысаларында булдырыла.
Шулай ук Үләнкүл авылында Cебер татары йортын булдыру планлаштырыла. 2020 елның яз-җәй айларында авыл беренче туристларны кабул итәчәк.