Җәмгыять 30 гыйнвар 2024 08:35

Омск татарлары районнарга концерт белән чыкты

Скопировать ссылку

Узган ял көннәрендә Омскидан бер төркем үзешчән артистлар өлкәнең татарлар тупланып яшәүче төньяк районнарында концертлар белән чыгышлар ясап кайттылар. Оештыручылары – «Ибир» җирле татар милли-мәдәни мохтарияте һәм «Ышаныч» татар мәдәният үзәге булды, дип яза Бөтендөнья татар конгрессы матбугат хезмәте.

Концерт программасы өчен җаваплы «Ләйсән» җыр ансамбле җитәкчесе Денислам Сиганов һәм әлеге мәгълүматның авторы Розалия Сайганова иде. Транспорт белән «Ибир» һәм «Иртеш» татар оешмалары җитәкчесе Тамир Алимбаевич Алимбаев тәэмин итте. Концерт җыелма – ягъни катнашуылар Омскидан, Колосовка район үзәгеннән һәм Петровка муниципаль районыннан булды.

Ике районда да татар оешмалары җитәкчеләре – Тарада Гөлшат Сатышева, Усть-Ишемдә Снежана Кадырова тырышлыклары белән тамашачы заллары тулы иде. Концертта татар халык һәм эстрада җырлары яңгырады, Петровканың «Сударушка» бию коллективы өч татар биюе белән концерт программасын ямьләде.

Сәхифәләр

Омск татарлары районнарга концерт белән чыкты