Омск өлкәсенең Туйчы авылында Сабан туе логотибын ясаганнар
Туйчы халкы Сабан туен 29 июньдә бәйрәм итәчәк.
Скопировать ссылку
(Казан, 26 июнь, "Татар-информ"). Омск өлкәсенең Туйчы авылында узачак Сабан туеның логотибын ясаганнар. Бу хакта җирле татарларның милли-мәдәни автономиясе хәбәр итә.
Оештыру комитеты карары буенча, Туйчыда Сабан туе билгесе булып ат сайланган. Бу юкка түгел, чөнки Туйчы авылының исеме килеп чыгышы да "ат караучылар" дигән сүзтезмәгә бәйле дигән фикерләр бар.
Логотипның аскы өлешен исә милли бәйрәмнең символы - чигүле сөлге бизи, диелә хәбәрдә.
Туйчы халкы Сабан туен 29 июньдә бәйрәм итәчәк.