Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Омск өлкәсенең Үләнкүл авылында Себер татарлары утары ясыйлар
Утарның тантаналы ачылышы быел 11 июльгә билгеләнгән.
(Казан, 5 май, «Татар-информ», Ләйсән Рәхмәтуллина). Омск өлкәсе Большеречье районының Үләнкүл авылында Себер татарлары утарын төзекләндерү эшләре бара. Барлык корылмаларның һәм йортның түбәсе XX йөз башын хәтерләтә. Бу хакта Омск өлкәсе татарларының төбәк татар милли-мәдәни автономиясе сайтында хәбәр ителә.
Омск өлкәсенең төбәк татар милли-мәдәни автономиясе рәисе Радик Миңнеханов сүзләренчә, кункаларны каршы алу быелгы елның 11 июленә планлаштырылган. Бөтендөнья татар конгрессы һәм Татарстан Республикасы килешүе буенча, бу көнне Үләнкүл авылына Омск, Төмән өлкәләреннән, Татарстаннан һәм Казахстаннан кунаклар көтелә. Чара Иртыш елгасы ярларында, Көнбатыш Себер һәм Казахстанда яшәүче татарларны берләштерәчәк.
Үткән көздә утарны төзү өчен авыл уртасында Үләнкүл исемле күл буеннан йорт сатып алына. Әлеге территориядә талдан үрелгән койма эшләнгән. Су алу өчен кое-казылган һәм йорт янында кирәкле хуҗалык корылмалары, сарайлар төзелгән. Ә менә тәрәзә рамнарын һәм йөзлекләрен буярга кирәк. Кунаклар килүгә ике ай эчендә барлык эшләр дә эшләнеп бетәргә тиеш.
Әлеге эш «Мирас» этнографик һәм авыл туризмы проекты нигезендә башкарыла. Аны Президент грантлары Фонды хуплаган һәм 2020 ел ахырына кадәр гамәлгә ашырыла. Себер татарлары яшәгән бу җирдә әле гореф-гадәтләр дә, тел дә сакланган. Җирле халык әлеге утарны Омскның күпчелек компанияләре өчен туристик маршрут составына, шулай ук «Старина Сибирская» («Борынгы Себер») тарихи-мәдәни комплексына кертелер дип өметләнә.
Авыл мәктәбе шагыйрь, Советлар Союзы герое Муса Җәлил исемен йөртә. 2016 елда биредә аның бюсты да куелган.
Бохарчылар чыгышлары белән Бохара ханлыгыннан (хәзерге Үзбәкстан территориясе) булган этногруппа. Документларда «бохарчы» дигән милләт 1930 елга кадәр очрый. Хәзерге көндә бу сүз белән Бохара шәһәрендә яшәүчеләрне генә атыйлар. Омск өлкәсендә бохарчылар нигез салган торак пунктлар да бар: Үләнкүл, Яланкүл, Кысатау, Тусказан.
Кызыклы яңалыкларны күзәтеп бару өчен Телеграм-каналга язылыгыз