Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Омск өлкәсендә төрки халыкларның беренче корылтаена ике йөзләп кеше җыелачак
Съездга Казахстан һәм Татарстан делегациясе киләчәк.
(Казан, 16 август, “Татар-информ”). 18 августта Омск өлкәсендәге Тара шәһәрендә узачак төрки халыкларның Беренче корылтаена ике йөзләп кеше җыелыр дип көтелә. Съездны “Мәдәният” татар милли-мәдәни автономиясе оештыра. Бу турыда автономиянең рәсми сайтында хәбәр ителә.
Чара Омск һәм Омск өлкәсе җәмәгать эшлеклеләрен һәм милли-мәдәни үзәкләрне берләштерү максатында оештырыла.
“Делегатлар Казахстаннан, Төмәннән, Свердловск, Новосибирск өлкәләреннән һәм Татарстаннан киләчәк. Чарада дин эшлеклеләр дә катнашачак. Алар арасында Себер мөселманнары Диния нәзарәте вәкилләре һәм Тара һәм Тюкалы епискобы Савватий да булачак”, - дип сөйләгән автономия идарәсе рәисе Радик Миңнеханов.
Корылтайда телне, мәдәниятне саклау һәм үстерү, яшьләрне иҗтимагый эшчәнлеккә тарту, хакимият, мәгариф, мәдәният учреждениеләре белән хезмәттәшлек мәсьәләләре каралачак. Алга таба Корылтайны ике елга бер тапкыр уздыру планлаштырыла, диелгән әлеге хәбәрдә.
Кызыклы яңалыкларны күзәтеп бару өчен Телеграм-каналга язылыгыз