Дин 16 ноябрь 2017 12:15

Җомга вәгазьләренең татарча укылуына риза булмаган берәү хәзер мөфтигә рәхмәтен җиткергән

Камил хәзрәт Сәмигуллин әйтүенчә, бер ел узгач, Алабугада эшләүче бер кеше мәчетләрдә вәгазьләренең татарча кирәк булуын аңлаган.

Скопировать ссылку

(Казан, 16 ноябрь, “Татар-информ”, Гөлнар Гарифуллина). Татарстан мәчетләрендә җомга вәгазьләренең татар телендә укылуына каршы булган бер кеше соңрак моның дөрес гамәл булуына инанган. Моны аңлап, ул Татарстан мөфтиенә рәхмәтен җиткергән. Бу хакта Камил хәзрәт Сәмигуллин бүген Россия ислам институтында ачылган VIII Саматов укуларында белдерде.

“Берничә атна элек миңа үзе Казаннан булып, Алабугада эшләүче бер егет килде. Бер ел элек мин сезне, мәчетләрдә җомга вәгазьләрен татарча уздыру карары өчен бик сүккән идем, чөнки татарча аңламый идем, ди. Хәзер сезгә рәхмәт әйтәсе килә. Бер ел узгач, аңлый башладым", – дип Алабуга егетенең әйткән сүзләрен җиткерде мөфти.

Камил хәзрәт Сәмигуллин Габделхак хәзрәт Саматовка багышланган укулар ачылышында ясаган чыгышында татар телен белүнең әһәмияте, өстенлекләре турында фикерләрен җиткерде.

#Саматов укулары

Сәхифәләр

Җомга вәгазьләренең татарча укылуына риза булмаган берәү хәзер мөфтигә рәхмәтен җиткергән