Дин 16 декабрь 2018 00:00

Олы Кайбычта Диния назәрәтенең баш казые катнашында вәгазь кичәсе үтте

Җәлил хәзрәт Ходай тәгаләнең өч сөннәте: әхлак, өммәт һәм тынычлык турында вәгазь сөйләде, халыкның күпсанлы сорауларына җавап бирде.

Скопировать ссылку

(Кайбыч, 16 декабрь, "Татар-информ", "Кайбыч таңнары", Мингазиз Сөнгатуллин). Пәнҗешәмбе көнне Олы Кайбыч мәдәният йортында мөселман кардәшләребез өчен вәгазь кичәсе үткәрелде.

Анда Татарстан Республикасы Диния назәрәтенең баш казые Җәлил хәзрәт Фазлыев, район башлыгы Альберт Рәхмәтуллин, районның имам- мөхтәсибе Дамир хәзрәт Гыйниятуллин, Буа районының имам- мөхтәсибе Илмир хәзрәт Хәсәнов катнашты. Анда шулай ук, районыбызның күпчелек авылларының имамнары, авыллар халкы килгән иде.

Җәлил хәзрәт Ходай тәгаләнең өч сөннәте: әхлак, өммәт һәм тынычлык турында вәгазь сөйләде, халыкның күпсанлы сорауларына җавап бирде. Район башлыгы Альберт Рәхмәтуллин вакыт табып килеп, һәркемгә аңлаешлы итеп вәгазь сөйләгәне өчен Җәлил хәзрәткә район халкы исеменнән рәхмәтен җиткерде.

#Кайбыч таңнары

Сәхифәләр

Олы Кайбычта Диния назәрәтенең баш казые катнашында вәгазь кичәсе үтте