Өлкәннәр декадасы көне уңаеннан пенсионерларга Диния нәзарәтеннән күчтәнәчләр өләштеләр
Скопировать ссылку
Бүген Казанның 50 пенсионерына Өлкәннәр декадасы көне уңаеннан Диния нәзарәтеннән бәйрәм күчтәнәчләре өләштеләр. «Зәкят» хәйрия фондыннан күчтәнәчләр алучылар арасында ялгыз, аз керемле һәм сәламәтлеге начар булган өлкәннәр бар. Бу хакта ТР Диния нәзарәтенең матбугат хезмәте хәбәр итә.
Фото: © ТР Диния нәзарәтенең матбугат хезмәте
Хәйрия фондының максатчан акчалары хисабына җыелган азык-төлек җыелмаларында симәнке мае, дөге ярмасы, он, шоколад, балык консервасы, печенье, токмач, чәй, финик җимешләре һәм тушенка бар, диелә хәбәрдә.
Фото: © ТР Диния нәзарәтенең матбугат хезмәте