Ольга Павлова сайлаулар турында: Һәр тавыш – Россияне ныгытуга кертелгән өлеш
Россиянең атказанган тренеры, эксперт һәм җәмәгать-сәясәт эшлеклесе Ольга Павлова Россия Федерациясе Федераль җыенының IХ чакырылыш Дәүләт Думасы депутатларын сайлауда тавыш бирде.
«Сайлауларда һәр тавыш – ул гражданлык позициясен күрсәтү һәм Россияне ныгытуга кертелгән өлеш. Шулай итеп без Россияне үз юлын үзе сайлау хокукыннан мәхрүм итәргә теләүчеләргә җавап бирәбез», – дип билгеләп үтте Ольга Павлова.
Ул тавыш бирү процессын җәмәгатьчелек тарафыннан контрольдә тотуның мөһимлегенә басым ясады. Аның фикеренчә, бүген сайлауларны күзәтү институты – ул участокта булу гына түгел. Ул – шикаятьләрне профессиональ дәрәҗәдә карау, мәгълүматны ачыктан-ачык игълан иткәнче тикшерү һәм процедураның ачыклыгын саклау.
«Җәмәгать палаталары һәм күзәтүчеләр берләшмәсе монда төп рольне уйный. Сайлауларга карата ышанычның нигезе ул – процедураларны төгәл үтәү, сорау бирү һәм бозуларны теркәү мөмкинлеге, эмоцияләр урынына хокукый реакция. Гражданнарның сәяси карашлары төрле – бу нормаль хәл. Сайлау процессының сыйфаты барысы өчен дә бер», – дип аңлатты Ольга Павлова.