Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ольга Павлова: Безнең талантлы спортчылар Россиядән дә, Татарстаннан да китмәскә тиеш
«Казаныш» спорт-гамәли конференциясендә Татарстан районнарындагы спорт учреждениеләрендә әзерлек дәрәҗәсен бәяләделәр, кадрлар әзерләү перспективалары хакында фикер алыштылар.
(Казан, 14 август, «Татар-информ»). Татарстанда талантлы яшьләр спорт өлкәсендә эшләсен өчен бөтен шартларны тудырырга кирәк. Кадрларның читкә китүенә юл куймау зарур, дип искәртте РФ Дәүләт Думасы депутаты, Россиянең атказанган тренеры Ольга Павлова «Казаныш» спорт-гамәли конференциясендә. Чара «Сәйдәш» мәдәният үзәгендә узды.
«Безгә талантлы яшьләрнең читкә китүенә киртә куярга, аларга эшләү һәм үсү өчен җәлеп итә торган шартлар тудырырга кирәк. Безнең талантлар Россиядән дә, Татарстаннан да китмәскә тиеш. Әгәр иң яхшылар китә икән, Татарстан һәм Казанны кем тәкъдим итәр, аларның данын кем яклар?» - дип искәртте парламентарий.
Чара кысаларында Татарстан районнарындагы спорт учреждениеләрендә әзерлек дәрәҗәсен бәяләделәр, кадрлар әзерләү перспективалары хакында фикер алыштылар. Конференциядә Казан шәһәре Башкарма комитеты җитәкчесе Рөстәм Гаффаров, ТР спорт министрының беренче урынбасары Хәлил Шәйхетдинов, Идел буе дәүләт физкультура, спорт һәм туризм университеты ректоры вазифаларын башкаручы Рафис Борһанов, Мәскәү шәһәре Спорт департаментының «Мәскәү шәһәр физкультура-спорт берләшмәсе» генераль директоры урынбасары Глеб Гальперин, Татарстанның спорт учреждениеләре җитәкчеләре һәм әйдәп баручы спортчылар катнашты.
Кызыклы яңалыкларны күзәтеп бару өчен Телеграм-каналга язылыгыз