Казанда юлга болан йөгереп чыккан һәм машина астында калып һәлак булган
Скопировать ссылку
Казанда юл-транспорт һәлакәте нәтиҗәсендә болан һәлак булган. Бу хакта шәһәр Дәүләт автоинспекциясе хәбәр итә.
Авария бүген көндез Әмирхан проспектындагы 47нче йорт янында булган. Болан «Ривьера» ягыннан юлга йөгереп чыккан һәм аны KIA RIO автомобиле бәрдереп киткән.
Юл һәлакәтенең сәбәпләре ачыклана, урында ЮХИДИ хезмәткәрләре эшли.