Фән һәм мәгариф 19 ноябрь 2017 15:24

Олег Табаковның театр көллияте Казанда студентлар сайлап алачак

Имтихан алучылар сыйфатында Россиянең танылган артистлары чыгыш ясаячак.

Скопировать ссылку

(Казан, 19 ноябрь, «Татар-информ»). Олег Табаковның театр көллияте Казанда булачак студентлар сайлап алачак, дип хәбәр итә Татарстан Республикасы Мәгариф һәм фән министрлыгының матбугат хезмәте.

Сайлап алуның беренче этабы 25 ноябрьдә Казанның “Азино” Балалар иҗат үзәгендә уза. Абитуриентларга шигырьләр, мәсәлләр, чәчмә әсәрдән өзекләр укырга, җыр башкарырга, шулай ук ритмика буенча бирем үтәргә туры киләчәк. Беренче турны уңышлы узган малайлар һәм кызлар Мәскәүгә йомгаклау сайлап алу имтиханына барачак.

Имтихан алучылар сыйфатында Россиянең танылган артистлары чыгыш ясар дип көтелә.

Көллияттә Россиянең барлык төбәкләреннән килгән балалар белем алачак.

#театр көллияте #Мәгариф һәм фән министрлыгы

Сәхифәләр

Олег Табаковның театр көллияте Казанда студентлар сайлап алачак