Рәсми Татарстан 7 март 2007 13:12

Олег Морозов фикеренчә, ирләр иң кыю гамәлләрне гүзәл затлар өчен кыла

Скопировать ссылку

(Казан, 7 март, “Татар-информ”). “Хатын-кызлар көнен бәйрәм итү Россиянең үзенчәлекле ил булуын янә бер кат раслый. Беркайда да гүзәл затларны шулай зурламыйлар, ә без бу вакыйганы гомумхалык бәйрәме ясадык. Әле хатын-кызларны бу көнне эштән дә азат иттек. Шунда бергә үзебезне дә!” – РФ Дәүләт Думасы Рәисенең беренче урынбасары Олег Морозов Халыкара хатын-кызлар көнен бәйрәм итүне әнә шулай шәрехләде.

Бу көнне, О.Морозов фикеренчә, ирләр ел буе җыелган хис-тойгыларын белдерә, шуңа күрә “нәкъ менә 8 мартта алар аеруча тәмле телле, килеш-килбәтләре дә үзенчәлекле, дистәләгән чәчәк бәйләмнәре бүләк итә, хатын-кызлар бөтен киләсе ел өчен комплиментлар тыңлый”.

“Ә инде җитди сөйләсәк, дөньяда ирләр мәхәббәт, Хатын-кыз өчен иң кыю гамәлләр кылган бер генә ил дә юк. Күрәсең, Ходай Тәгалә дөньяны ир-атларның һәрчак табыныр һәм батырлыклар кылыр кешесе булырлык итеп яраткан”, - дип ассызыклады РФ Дәүләт Думасының беренче вице-спикеры.

Сәхифәләр

Олег Морозов фикеренчә, ирләр иң кыю гамәлләрне гүзәл затлар өчен кыла