Сәясәт 5 май 2010 16:16

Олег Морозов: “Эчке эшләр министрлыгын абруе төшкән затлардан азат итәчәкләр”

Дәүләт Думасы беренче укылышта милиция кадрлар составын яхшыртуга нигезләнгән тагын бер проект кабул итте

Скопировать ссылку

(Казан, 5 май, «Татар-информ»). Бүген Дәүләт Думасы беренче укылышта федераль закон проектын кабул итте. Аның нигезендә “Милиция турындагы” Законга, эчке эшләр органнарында хезмәт итү турындагы нигезләмәгә һәм эчке эшләр органнары хезмәткәрләре антына үзгәрешләр кертелә.
Дәүләт Думасы Рәисенең беренче урынбасары Олег Морозов бу закон проектын шәрехләп: “Апрельдә Дәүләт Думасы беренче укылышта милиция хезмәткәрләренең дисциплинасын күтәрү һәм һөнәри хезмәт эшчәнлеге нәтиҗәсен күтәрүгә юнәлдерелгән өч закон проектын кабул итте. Бүген беренче укылышта эшләүчеләргә һәм яңа эшкә кабул ителүчеләргә катгый таләпләр кую юлы белән милиция кадрлар составын яхшыртуга нигезләнгән тагын бер проект кабул ителде”, - диде.
“Шулай итеп, милиция хезмәтенә абруе төшкән затларны кабул ителмәячәк һәм алардан азат итәчәкләр. Кабул ителгән закон проектлары – Россия милициясе хезмәткәрләренең яңа йөзен формалаштыру мәсъәләсен хәл итүдә тагын бер адым”, дип белдерде А.Морозов.

Сәхифәләр

Олег Морозов: “Эчке эшләр министрлыгын абруе төшкән затлардан азат итәчәкләр”