news_header_top
16+
news_header_bot
news_top

Олег Матыцин 2009 елгы Универсиадага спортчыларны әзерләгән өчен рәхмәт белдерде

Бу хакта 5 мартта Татарстан Республикасы Хөкүмәте адресына килгән телеграммада әйтелә

(Казан, 6 март, «Татар-информ»). Россия студентлары спорт берлеге Президенты Олег Матыцин Татарстанның Премьер-министры Рөстәм Миңнехановны Кытайда үткән кышкы Универсиада программасында Россия җыелма командасының уңышлы чыгыш ясавы белән котлады.
Бу хакта 5 мартта Татарстан Республикасы Хөкүмәте адресына килгән телеграммада әйтелә.
Россия студентлары спорт берлеге Президенты Олег Матыцин шәхсән Татарстанның Премьер-министры Рөстәм Миңнехановка һәм республика Хөкүмәтенә Харбинда үткән ХХIV Бөтендөнья кышкы
Универсиада-2009 программасы буенча ярышларда Россия җыелма командасын әзерләү һәм катнаштыруга зур өлеш керткән өчен рәхмәт белдерде, дип хәбәр итә ТР Министрлар Кабинетының матбугат хезмәте.
Искә төшереп үтәбез, Харбинда үткән Универсиадада Татарстан республикасыннан 32 спортчы катнашты. Аларның 31е медаль алып кайтты.
Россия җыелма командасы кышкы Универсиададан 51 медаль (18 алтын, 14 көмеш) алып кайтты.








news_right_1
news_right_2
news_bot