Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Олег Газманов Химиклар көнендә – Түбән Камада, Данир Сабиров Менделеевскида чыгыш ясаячак
Татарстанда Химиклар көнен билгеләп үтәчәкләр. Түбән Камада бәйрәмдә җырчы, Россиянең халык артисты Олег Газманов һәм «Эскадрон» төркеме, ә Менделеевскида татар эстрадасы вәкиле Данир Сабиров һәм «Хитобои» төркеме чыгыш ясаячак.
«Түбән Кама Нефтехим» ГАҖ газетасы язуынча, СИБУР бәйрәмне беренче тапкыр оештыра, ул Түбән Камада 26 майга билгеләнгән. Тантаналы чара «Нефтехим Арена»да боз тамашасы белән ачыла.
17.30 сәгатьтә сәхнәгә балалар коллективлары чыгачак. 18.00 сәгатьтә «Түбән Кама Нефтехим» хезмәткәрләре һәм чакырылган артистлар иң яхшы номерларын тәкъдим итәчәк. Олег Газмановның чыгышы 19.30 сәгатьтә башлана. Чара 21.45 сәгатьтә дискотека һәм бәйрәм салюты белән төгәлләнәчәк.
Менделеевск районы матбугат хезмәтендә искәртүләренчә, Менделеевскида Химиклар көне 27 майда, җомга көнне уза. Бу көнне шәһәрдә яшәүчеләр һәм кунакларны концерт программасы, бүләкләү тантанасы, ут тамашасы, балалар анимациясе, шулай ук «Версаль» төркеме артистларының чыгышы көтә. Бәйрәм 17.00 сәгатьтә башланып, 21.30 сәгатьтә салют белән тәмамланачак.
Кызыклы яңалыкларны күзәтеп бару өчен Телеграм-каналга язылыгыз