Җәмгыять 22 сентябрь 2016 12:42

Октябрь-ноябрь айларында Россиянең 18 музеена бушка кереп булачак

Проектта Казан шәһәре дә катнаша.

Скопировать ссылку

(Казан, 22 сентябрь, “Татар-информ”, Рузилә Мөхәммәтова). Сбербанк үзенең 175 еллык юбилеена багышлап көз көне масштаблы мәдәни һәм социаль проектны тормышка ашыра башлый, дип хәбәр итә банкның матбугат үзәге. Россиянең 17 шәһәрендәге Банк ярдәме белән 18 музейга бушка кереп булачак. Проект октябрь һәм ноябрь айларында тормышка ашыралачак. Һәр музейның үз индивидуаль графигы төзеләчәк.

Сбербанк проектында Әстерхан, Владивосток, Воронеж, Екатеринбург, Иркутск, Казан, Кемерово, Краснодар, Красноярск, Түбән Новгород, Новосибирск, Пермь, Ростов-на-Дону, Төмән һәм Ярославль шәһәрләре катнаша. Сбербанк әлеге шәһәрдә яшәүчеләргә Пиранези һәм Малевич, Репин һәм Серов, Кандинский һәм Доржиев иҗаты белән хозурлану мөмкинлеге тудырачак дип ышандыра банкның матбугат үзәге.

Мәскәүдә А.С. Пушкин исемендәге Дәүләт Сынлы сәнгать музее белән, Петербургта Рус музее белән хезмәттәшлек турында килешү төзеләчәк.

Казан шәһәрендә әлеге проект Татарстан Республикасы Сынлы сәнгать музее белән берлектә тормышка ашырыла. Ноябрь аенда махсус график нигезендә Казанда яшәүчеләр һәм шәһәр кунаклары музейның төп бинасына бушка керә алачаклар.

#сынлы сәнгать музее

Сәхифәләр

Октябрь-ноябрь айларында Россиянең 18 музеена бушка кереп булачак