Октябрь ахыры Татарстанда нормадан өч градуска җылырак булачак
Скопировать ссылку
Татарстанда көзнең икенче аеның өченче декадасында һаваның уртача температурасы климат нормасыннан өч градуска югарырак булачак. ТР Гидрометеорология үзәге шундый фаразларын җиткерде.
Тулаем республика өчен 21 октябрьдән 30 октябрьгә кадәр климат нормасы +2,0 градуска, ә Казан өчен +2,4 градуска тигез. Ә уртача температура + 5,0 һәм +5,4 градус тәшкил итәчәк.
Элегрәк метеорологлар хәбәр иткәнчә, атна ахырына кадәр Татарстан территориясендә һава торышын Россиянең Европа өлешендә өстенлек итүче киң циклон һәм аның атмосфера фронтлары билгеләячәк. Шуның аркасында төбәктә яңгырлар көтелә.