Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов ясалма интеллектлы машина йөртү хокукына имтихан тапшыру комплексын карады
Виртуаль чынбарлык күзлеге ярдәмендә юл хәрәкәте кагыйдәләрен белүгә имтихан тапшыру мөмкинлеге карала.
(Казан, 30 ноябрь, «Татар-информ»). ТР Президенты ясалма интеллектлы машина йөртү хокукына имтиханнар тапшыру буенча аппарат-программа комплексын карап чыкты. Бу хакта «Татар-информ»га республика Дәүләт автоинспекциясендә сөйләделәр.
Россия Эчке эшләр министрлыгының ЮХИДИ идарәсе, Татарстан Дәүләт автоинспекциясе һәм Иннополис университеты белгечләре тәкъдиме белән гамәлгә ашырыла торган «Хәрәкәт» комплексы проектын бүген Рөстәм Миңнехановка тәкъдим иттеләр.
Ясалма интеллект элементлары һәм өстәмә чынбарлык кулланылган система машина йөртү буенча имтихан тапшыруда яңа дәрәҗәгә чыгарга мөмкинлек бирәчәк.
Юл хәрәкәте иминлеге буенча баш дәүләт инспекторы Ленар Габдрахманов «Хәрәкәт» комплексы ярдәмендә хаталарны автомат рәвештә теркәргә, маршрутны сайларга, шулай ук имтихан алучының субъектив фикерен исәпкә алмыйча, билге куярга мөмкин булачагын әйтте.
Шунысын да әйтергә кирәк, имтихан алдыннан сынау тапшыручы FaceID ярдәмендә верификация процессы узарга тиеш булачак. Бу машина йөртү хокукына ия булачак кешенең профилен тулысынча күрергә мөмкинлек бирәчәк. Моннан тыш, система имтиханның ничек узуын күрергә, ә автомобиль эчендәге камералар андагы хәлләрне контрольдә тотарга мөмкинлек бирә.
Ленар Габдрахманов шулай ук хәзер юл хәрәкәте кагыйдәләрен белү буенча виртуаль чынбарлык күзлеге ярдәмендә имтихан узу мөмкинлеге каралуын әйтте.
«Машина йөртүгә кандидаттан тыш, билетны беркем дә күрми, бу исә чит затлардан ярдәм, төрле техник җайланмалардан файдалану мөмкинлеге юк дигән сүз, ә күзлекне салу омтылышы булганда датчик имтиханны туктата», — диде Габдрахманов.
Иннополиста тәкъдим ителгән эшләнмәләрне Татарстан Президенты тулысынча хуплады.
Кызыклы яңалыкларны күзәтеп бару өчен Телеграм-каналга язылыгыз