Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Радик Гайзатуллин Татарстан Финанслар министрлыгы башлыгы вазифасында калачак
Бу хактагы карарны Татарстан Президенты Рөстәм Миңнеханов имзалады.
(Казан, 30 сентябрь, «Татар-информ»). Радик Гайзатуллин Татарстан Финанслар министрлыгы башлыгы вазифасында калачак. Билгеләү турындагы карар Татарстан Президенты порталында чыкты.
«Гайзатуллин Радик Рәүф улын Татарстан Республикасы финанслар министры итеп билгеләргә», диелгән документта.
Радик Рәүф улы республика ведомствосында үз карьерасын 1999 елда авыл хуҗалыгы һәм азык-төлек министрлыгының финанслау бүлеге башлыгы вазифасында башлады. 2000 елдан 2001 елга кадәр финанслар министры урынбасары, 2001 елдан 2002 елга кадәр финанслар министрының беренче урынбасары урынын биләгән.
2002 елның июнендә республика министрлыгы башлыгы вазифасына расланды.
Бүген Рөстәм Миңнеханов берничә министрны билгеләүне раслады. Аерым алганда, Татарстан Мәгариф һәм фән министрлыгы башлыгы итеп Илсур Һадиуллин, Александр Шадриковны яңадан Татарстанның Экология һәм табигать ресурслары министрлыгы җитәкчесе, Рөстәм Заһидуллинны Татарстан юстиция министры, Равил Кузюровны Татарстан Урман хуҗалыгы министрлыгы башлыгы, Айрат Хәйруллинны Татарстан дәүләт идарәсен цифрлы нигездә үстерү, мәгълүмат технологияләре һәм элемтә министры итеп билгеләделәр.
Кызыклы яңалыкларны күзәтеп бару өчен Телеграм-каналга язылыгыз