Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Президенты Чаллы хастаханәсен проектлауга акча бүлеп бирергә йөкләде
Сүз якынча 70 млн сум турында бара.
(Казан, 30 июнь, «Татар-информ», Эльвира Мөхәммәтдинова). Татарстан Президенты Рөстәм Миңнеханов 2022 елга республика бюджетын планлаштырганда Чаллының 5нче хастаханәсен проектлауга чыгымнарны карарга йөкләде. Бу хакта журналистларга Автошәһәр мэры Наил Мәһдиев хәбәр итте.
«Бездә Рөстәм Нургалиевич [Миңнеханов] белән эшлекле очрашу булды. Без берничә мәсьәлә буенча фикер алыштык, шул исәптән шәһәрнең 5нче хастаханәсе буенча проект эшләрен башлау кирәклеге турында да сүз булды. Президент проект-смета документациясен финанслауны алдан карарга йөкләде. Сүз якынча 70 млн сум турында бара. Төгәл саннарны әйтергә иртәрәк, чөнки соңгы бәя эшләргә алыначак проект оешмасына да, булачак хастаханә комплексы квадратурасына да бәйле», — дип хәбәр итте Мәһдиев.
«Чаллы мэры шулай ук шәһәрнең 5 нче хастаханәсенең яңа корпусы урнашачак картаны ачты. Аны «Адымнар» күптелле белем бирү мәктәбеннән ерак түгел Чулман проспектында «утыртырга» карар кылынды.
Наил Мәһдиев Чаллы өчен объектның әһәмиятен ассызыклады. Күппрофильле хастаханәгә ел саен 25 меңнән артык авыру мөрәҗәгать итә, 18 профиль буенча ярдәм күрсәтелә. Хастаханә күп еллар элеккеге тулай торак бинасында урнашкан, дип искәртте җитәкче.
Кызыклы яңалыкларны күзәтеп бару өчен Телеграм-каналга язылыгыз