Миңнеханов һәм Шәймиев «Ел гаиләсе» бәйгесендә җиңгән күпбалалы гаиләне котлады
Яшел Үзәндә яшәүче Наил һәм Рәйсә 15 бала тәрбияли.
Скопировать ссылку
(Казан, 28 август, «Татар-информ»). Татарстан Президенты Рөстәм Миңнеханов һәм Дәүләт киңәшчесе Минтимер Шәймиев күп балалы Миңнуллин-Латыйповлар гаиләсен котлады.
Республика Президентының матбугат хезмәте хәбәр иткәнчә, әлеге гаилә «Ел гаиләсе» бәйгесендә «Күп балалы гаилә» номинациясендә җиңгән, шулай ук «Идел буендагы уңышлы гаилә — 2021» округ бәйгесендә «Ата-ана даны» номинациясендә лидер булган.
Яшел Үзәндә яшәүче Наил һәм Рәйсә 15 бала тәрбияли.