Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яшел Үзәнгә прокурор итеп Чистай экс-прокуроры билгеләнде
Бүген Илдус Нәфыйков шәһәр прокуратурасы хезмәткәрләренә яңа җитәкчене тәкъдим итте.
(Казан, 28 гыйнвар, «Татар-информ»). Генераль прокурор Яшел Үзәннең яңа прокурорын билгеләде. Ул - юстиция киңәшчесе Сергей Егоров.
«Татар-информ»га ТР прокурорының өлкән ярдәмчесе Руслан Галиев хәбәр итүенчә, Сергей Егоров тумышы белән республиканың Югары Ослан районы Шеланга авылыннан.
КДУның юридик факультетын тәмамлаган. Прокуратура органнарында эшен 1990 елда университетны тәмамлаганнан соң ук Казан шәһәренең Мәскәү районы прокуратурасында стажер вазифасында башлый.
1991-1995 елларда Татарстан районара табигать саклау прокуроры ярдәмчесе булып эшли. Биш елдан соң Татарстан районара табигать саклау прокуроры вазифасында хезмәт итә. Соңгы алты ел (2021 елга кадәр) Чистай прокуроры була.
РФ Генераль прокуроры грамотасы һәм Ягужинский медале белән бүләкләнгән.
Яңа җитәкчене бүген шәһәр прокуратурасы коллективына Илдус Нәфыйков тәкъдим итте.
Элегрәк Яшел Үзән прокуроры вазифасын башкарган Анатолий Трифонов ТР прокуратурасы аппаратында бүлекләрнең берсен җитәкли.
Кызыклы яңалыкларны күзәтеп бару өчен Телеграм-каналга язылыгыз