Миңнеханов һәм Мәккә провинциясе башлыгы «Россиядә ислам тарихы» күргәзмәсен карады
Кичә Рөстәм Миңнеханов җитәкчелегендә Татарстан делегациясе эш сәфәре белән Согуд Гарәбстанына килде.
(Казан, 24 ноябрь, «Татар-информ»). Татарстан Президенты Рөстәм Миңнеханов һәм Мәккә провинциясе башлыгы Әмир Халед бен Фейсал Әл Сауд «Россиядә ислам тарихы» күргәзмәсен карады.
«Күргәзмә „Россия — Ислам дөньясы“ Стратегик караш төркеме утырыш кысаларында оештырылды», — дип хәбәр итте республика Президентының матбугат хезмәте җитәкчесе Лилия Галимова.
Искәртеп үтик, кичә Рөстәм Миңнеханов җитәкчелегендә Татарстан делегациясе эш сәфәре белән Согуд Гарәбстанына килде. Республика Президенты Россия президенты Владимир Путин йөкләмәсе буенча «Россия — Ислам дөньясы» Стратегик караш төркемен җитәкли. Утырыш бүген Җиддәдә башланды.