Рөстәм Миңнеханов Валерий Грайферның үлеме сәбәпле кайгы уртаклашуын белдерде
Бүген «ЛУКОЙЛ» Директорлар советы рәисе Валерий Грайфер 90 яшендә вафат булды.
(Казан, 24 апрель, «Татар-информ»). Татарстан Президенты Рөстәм Миңнеханов «ЛУКОЙЛ» нефть компаниясенең Директорлар советы рәисе Валерий Грайферның үлеме сәбәпле, кайгы уртаклашу белдерде. Хөкүмәт телеграммасы «ЛУКОЙЛ» нефть компаниясе» ГАҖ президенты Вагит Алекперов адресына җибәрелгән.
«Валерий Исаакович Грайферның вафатын авыр кайгы итеп кабул иттем — нефть тармагы легендасы, танылган эксперты, тәҗрибәле, абруйлы җитәкче», — диде Рөстәм Миңнеханов.
Аның сүзләренчә, Валерий Исааковичның безнең илнең нефть чыгару сәнәгатен үстерүгә керткән өлешен бәяләп бетергесез. Ул «Татнефть» ГАҖдә аякка баскан һәм профессионал буларак үскән, «Главтюменнефтегаз» җитештерү берләшмәсендә аның җитәкчелегендә Көнбатыш Себер ятмаларын киңкүләмле үзләштерү башланды, һәм «РИТЭК» АҖ булдыруда көч куйган һәм «ЛУКОЙЛ» ГАҖ үсеше өчен хезмәт иткән.
«Киң, стратегик фикер йөртүче һәм уйлаганнарны тормышка ашыра белүче талантлы оештыручы, энергияле һәм хезмәт сөючән, шат күңелле кешенең безнең арадан китүен күз алдына китерүе кыен — бу ил, Валерий Исаакович белән аралашырга һәм хезмәттәшлек итәргә насыйп булган барлык кешеләр өчен зур югалту. Бу уникаль шәхеснең өзлексез иҗади хезмәт нәтиҗәләре һәм аның турында якты истәлек безнең белән кала», — диде Татарстан Республикасы Президенты.
«Ихлас күңелдән мәрхүмнең кызларына һәм барлык якыннарына кайгы уртаклашу сүзләрен тапшыруыгызны сорыйм», дигән Рөстәм Миңнеханов.