Татарстан Президенты янә РФ ЮНЕСКО эшләре буенча комиссия составына кертелде

Бу карарны август ахырында РФ Хөкүмәте Рәисе имзалаган
(Казан, 23 сентябрь, «Татар-информ»). Россия Федерациясе Хөкүмәте Рәисенең 2009 елның 28 августында имзаланган карары нигезендә РФ ЮНЕСКО эшләре буенча комиссиянең яңа составы расланды.
Комиссия составына федераль министрлыклар һәм ведомстволар җитәкчеләре, төбәк башлыклары, фән һәм мәдәният эшлеклеләре белән бергә Татарстан Президенты Минтимер Шәймиев тә кертелгән. Бу хакта Россия ЮНЕСКО программасы комитеты сайтында хәбәр ителә.
Искә төшереп үтәбез, Татарстанда ЮНЕСКО эшләре буенча комиссия эшли, ул Татарстан Республикасы министрлыклары, ведомстволары, предприятие һәм оешмаларының ЮНЕСКО компетенциясендә булган өлкәләрдә килешенгән эшләрен координацияләүче орган булып тора. Комиссияне ТР Премьер-министры урынбасары – мәдәният министры Зилә Вәлиева җитәкли.