420066, Казан, Декабристлар урамы, 2
“ТАТМЕДИА” акционерлык җәмгыяте
Татарстанда эконом класслы торак төзелеше өчен федераль җирләр бирәләр
Президент Минтимер Шәймиевнең Торак төзелешен үстерүгә ярдәм итү фондының генераль директоры Александр Браверман белән очрашуында сүз шул хакта барды
(Казан, 22 май, «Татар-информ», Сергей Семеркин). Бүген Казан Кремлендә Татарстан Республикасы Президенты Минтимер Шәймиев Торак төзелешен үстерүгә ярдәм итү фондының генераль директоры Александр Браверман белән очрашты.
Очрашуда шулай ук фонд ягыннан генераль директор урынбасары Павел Бородин, төбәкләр белән хезмәттәшлек итү департаменты җитәкчесе Олег Войтенко, генераль директорның киңәшчесе Никита Банцекин, Татарстан Республикасы ягыннан Казан шәһәре мэры Илсур Метшин, ТР Президенты каршындагы икътисади мәсьәләләр буенча дәүләт киңәшчесе Евгений Гришин, ТР төзелеш, архитектура һәм торак-коммуналь хуҗалык министры Марат Хөснуллин, ТР Президенты каршындагы Дәүләт торак фондының башкаручы директоры Тәлгать Абдуллин катнашты.
Татарстан Президенты очрашу тәмамлангач журналистларга фонд белән хезмәттәшлек итүнең төп максаты – федераль җирләрне нәтиҗәле файдалану өлкәсендә тәртип булдыру, дип белдерде. Татарстанда җир участокларының реестрын төзү буенча зур әзерлек эшләре үткәрелде. Бу көннәрдә фонд белән төзелгән килешү нигезендә федераль җирләрнең бер өлеше аукционга әзерләү өчен хакимиятнең республика органнарына тапшырылачак. Аерым участокларны фонд үзе аукционга әзерли. Бу җирләрдә эконом класслы тораклары төзү нәтиҗәле булачак, аларның бер квадрат метры 30 мең сумнан артмаячак.
“Фонд белән Татарстан күптәннән элемтәдә тора”, - дип белдерде гаммәви мәгълүмат чаралары вәкилләренә Александр Браверман. Аның сүзләренчә, имзаланган килешүнең 3 аспекты бар: РФ субъектларына файдалану өчен бирелә торган җир участоклары; фонд республика җитәкчелеге белән бергә файдаланачак җир участоклары; кече һәм урта бизнес өчен технопарк, бизнес-инкубаторлар төзелеше өчен бирелә торган участоклар.
Татарстан Президенты һәркем сатып алырлык торак төзелешендә нәтиҗәле файдаланырга мөмкин булган җир участокларына ревизия үткәрергә кирәк, дип билгеләп үтте. Мисал өчен, хәрби полигоннар, вузлар, фәнни тикшеренү институтлары һ.б. “Бу көнгә кадәр бу җирләрне файдалана алмадык. Без һәркем сатып алырлык торак төзү өчен фонд белән бергә эшләячәкбез”, - дип белдерде Минтимер Шәймиев.
Очрашуда шулай ук фонд ягыннан генераль директор урынбасары Павел Бородин, төбәкләр белән хезмәттәшлек итү департаменты җитәкчесе Олег Войтенко, генераль директорның киңәшчесе Никита Банцекин, Татарстан Республикасы ягыннан Казан шәһәре мэры Илсур Метшин, ТР Президенты каршындагы икътисади мәсьәләләр буенча дәүләт киңәшчесе Евгений Гришин, ТР төзелеш, архитектура һәм торак-коммуналь хуҗалык министры Марат Хөснуллин, ТР Президенты каршындагы Дәүләт торак фондының башкаручы директоры Тәлгать Абдуллин катнашты.
Татарстан Президенты очрашу тәмамлангач журналистларга фонд белән хезмәттәшлек итүнең төп максаты – федераль җирләрне нәтиҗәле файдалану өлкәсендә тәртип булдыру, дип белдерде. Татарстанда җир участокларының реестрын төзү буенча зур әзерлек эшләре үткәрелде. Бу көннәрдә фонд белән төзелгән килешү нигезендә федераль җирләрнең бер өлеше аукционга әзерләү өчен хакимиятнең республика органнарына тапшырылачак. Аерым участокларны фонд үзе аукционга әзерли. Бу җирләрдә эконом класслы тораклары төзү нәтиҗәле булачак, аларның бер квадрат метры 30 мең сумнан артмаячак.
“Фонд белән Татарстан күптәннән элемтәдә тора”, - дип белдерде гаммәви мәгълүмат чаралары вәкилләренә Александр Браверман. Аның сүзләренчә, имзаланган килешүнең 3 аспекты бар: РФ субъектларына файдалану өчен бирелә торган җир участоклары; фонд республика җитәкчелеге белән бергә файдаланачак җир участоклары; кече һәм урта бизнес өчен технопарк, бизнес-инкубаторлар төзелеше өчен бирелә торган участоклар.
Татарстан Президенты һәркем сатып алырлык торак төзелешендә нәтиҗәле файдаланырга мөмкин булган җир участокларына ревизия үткәрергә кирәк, дип билгеләп үтте. Мисал өчен, хәрби полигоннар, вузлар, фәнни тикшеренү институтлары һ.б. “Бу көнгә кадәр бу җирләрне файдалана алмадык. Без һәркем сатып алырлык торак төзү өчен фонд белән бергә эшләячәкбез”, - дип белдерде Минтимер Шәймиев.