Р.Миңнеханов дәүләт милке белән идарә итү буенча Федераль агентлык җитәкчесе белән очрашты

(Казан, 22 май, «Татар-информ»). Бүген Татарстан Республикасы Премьер-министры Рөстәм Миңнеханов Казанга эш визиты белән килгән дәүләт милке белән идарә итү буенча Федераль агентлык җитәкчесе Юрий Петров белән очрашты.
Очрашу вакытында федерация субъектларында дәүләт милке белән нәтиҗәле идарә итү мәсьәләсе буенча фикер алыштылар.
Очрашуда Татарстан Республикасы ягыннан ТР Министрлар Кабинеты Апппараты җитәкчесе Шамил Гафаров, дәүләт милке белән идарә итү буенча Федераль агентлыкның ТРдагы Территориаль идарәсе җитәкчесе Елена Паткина катнашты, дип хәбәр итә ТР Министрлар Кабинетының матбугат хезмәте.