Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Татарстан муниципаль хезмәткәрләрен бәйрәм белән котлады
Хәзерге вакытта Татарстан муниципалитетларындагы идарәчеләр командасы 6782 хезмәткәрне үз эченә ала.
(Казан, 22 апрель, «Татар-информ»). Татарстанның муниципаль хезмәткәрләре — халык белән эшләүче, һәрвакыт алгы сызыкта булган кешеләр. Бүген бу хакта Татарстан Республикасы Президенты Рөстәм Миңнеханов Җирле үзидарә көненә багышланган чарада әйтте.
Республика башлыгы искәртеп үткәнчә, 2020 елда пандемия аркасында күп кенә чаралар онлайн-форматта узды. Әмма быел бәйрәмне офлайн рәвештә, ветераннар катнашында уздырып булды. Пандемия белән көрәшкә җирле үзидарә органнары да үз өлешләрен кертте.
«Безнең сәламәтлек саклау системасы, санитар-эпидемиологик хезмәт системасы һәм муниципалитетлар мобилизацияләнде һәм яңа бурычларны үти алды, Covid-19 инфекциясенең алга таба таралуына юл куймау буенча эшне җайга салды», — диде ул.
Хәзерге вакытта Татарстан муниципалитетларындагы идарәчеләр командасы 6782 хезмәткәрне үз эченә ала. Алар — җирле үзидарә депутатлары, муниципаль берәмлекләр башлыклары, муниципаль хезмәткәрләр һәм территориаль иҗтимагый үзидарә активистлары.
«Бу без һәрвакыт таяна торган команда. Сез халык белән эшләүчеләр, сез — алгы сызыкта һәм мин ышанам — уртак көч белән без куелган барлык бурычларны да хәл итә алачакбыз», — дип йомгаклады Рөстәм Миңнеханов.
Чара ахырында алдынгы муниципаль хезмәткәрләргә Татарстан Дәүләт бүләкләре тапшырылды. Моннан тыш, Татарстан Республикасы районнары һәм шәһәр округлары башкарма комитетлары 50 Hyundai Sonata автомобиленә сертификат алды.
Кызыклы яңалыкларны күзәтеп бару өчен Телеграм-каналга язылыгыз