Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин татарстанлыларның сорауларына җавап бирде
Татарстанның Дәүләт Советы Рәисе Фәрит Мөхәммәтшинга татарстанлылар телефон аша үзләрен борчыган мәсьәләләр турында сөйләде.
(Казан, 22 февраль, «Татар-информ»). Татарстанның Дәүләт Советы Рәисе, «Бердәм Россия»нең төбәк бүлеге секретаре Фәрит Мөхәммәтшин гражданнарны кабул итте.
Ул телефон аша татарстанлылар белән аралашты. Алар территорияләрне төзекләндерү, медицина ярдәме күрсәтү, дару препаратлары белән тәэмин итүгә кагылышлы һәм башка мәсьәләләр турында белдерде, дип хәбәр итә республика парламентының матбугат хезмәте.
Дәүләт Советы Рәисенә туры линия аша Әлмәт районының Тайсуган авылында яшәүче Венера Исрафилова мөрәҗәгать итте. Ул җирле балалар бакчасы һәм мәктәп янындагы юл участогында автотранспорт хәрәкәтен оештыруда ярдәм итүне сорады. Аның сүзләренә караганда, шоферлар бу участокта тизлекне киметергә мәҗбүр булсын өчен, юлда ясалма тигезсезлекләр булдырырга кирәк.
Евгений Охотников Әгерҗедәге Крестьян урамында җәяүлеләр өчен җайланган юл кичүе булмавына зарланды. Ул ассызыклаганча, балалар еш кына тормышлары куркыныч астына куеп, машиналар тулы урамны йөгереп чыга.
Парламент җитәкчесе турыдан-туры элемтәгә чыккан республика халкына үз районнарындагы проблемаларга игътибар итүләре һәм актив гражданлык позицияләре өчен рәхмәт белдерде.
«Барлык мөрәҗәгатьләр дә каралачак һәм муниципалитетларның җитәкчеләре белән бергәләп эшләгәндә чишелешен табачак», — дип ышандырды ул.
Кызыклы яңалыкларны күзәтеп бару өчен Телеграм-каналга язылыгыз