Республика суд системасының 2017 елгы эшчәнлегенә йомгак ясала

Киңәшмәдә Татарстан Президенты катнаша.

(Казан, 22 февраль, «Татар-информ»). Татарстан Президенты Рөстәм Миңнеханов бүген район (шәһәр) судлары рәисләре һәм рәис урынбасарлары катнашындагы киңәшмәдә катнашачак. Бу хакта ТР Хөкүмәтенең рәсми порталында хәбәр ителә.

Киңәшмәдә республика суд системасының 2017 елгы эшчәнлек нәтиҗәләре һәи киләчәккә планнары тикшереләчәк.

Төп чыгышларны Татарстан Югары Суды рәисе Илгиз Гыйләҗев һәм Суд департаментының Татарстандагы идарәсе җитәкчесе Җәүдәт Салихов ясаячак.

Киңәшмә ахырында Рөстәм Миңнеханов дәүләт бүләкләре тапшырачак, диелә Хөкүмәт матбугат хезмәте хәбәрендә.