Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов Мәскәү өлкәсендә абыйсы җирләнгән туганнар каберлегенә чәчәкләр салды
Татарстан Президенты абыйсының Морево авылы янында үлүен, аңа нибары 19 яшь булуын сөйләде.
(Казан, 21 июнь, «Татар-информ»). Хәтер һәм кайгы көне алдыннан Татарстан Президенты Рөстәм Миңнеханов Мәскәү өлкәсенең Руза шәһәр округы Сухарево авылында туганнар каберлегендә булды. 1941 елның декабрендә биредә республика җитәкчесенең абыйсы Галимҗан Миңнеханов җирләнгән. Бу хакта ТР Президенты матбугат хезмәте җитәкчесе Лилия Галимова хәбәр итә.
«Бөек Җиңүгә авыр югалтулар белән ирешелде, — диде Миңнеханов. — Бу бөтен халыкның батырлыгы иде. Ил өчен иң авыр чорда безнең кешеләр бердәмлек, мәхәббәт һәм Ватанга тугрылык күрсәтте».
Татарстан Президенты абыйсының Морево авылы янында үлүен, аңа нибары 19 яшь булуын сөйләде.
«Әти Галимҗан абый турында бик күп сөйләде. Һәм без күптән туганнарыбыз белән аның каберенә килергә теләдек. Мәскәү өлкәсе җитәкчелегенә Бөек Ватан сугышы геройлары истәлеген саклау мәсьәләләренә шулай игътибарлы булулары өчен рәхмәт», — дип өстәде ул.
Туганнар каберендә «Патриот» сәламәтләндерү-белем бирү үзәге территориясендә 197 солдат җирләнгән, 85 кешенең исемнәре элеккечә билгеле түгел. Алар 359 укчы дивизиянең 2нче укчы полкы, 50 укчы дивизиянең 49нчы полкы, 19 укчы дивизиянең 32нче укчы полкы һәм 60нчы аерым укчы бригадасының 1нче укчы батальоны сугышчылары.
Кызыклы яңалыкларны күзәтеп бару өчен Телеграм-каналга язылыгыз